കടലാവുക അത്രയും എളുപ്പമല്ല
ഒരായിരം തിരകളുടെ ചിറകടികള്‍
ചിരമങ്ങനെ ഉള്ളില്‍ പേറുക
എങ്ങുമെങ്ങും നിലക്കാതൊഴുകുക,
അത്രയും എളുപ്പമല്ല..
അതിരില്ലായ്മകളുടെ അനിശ്ചിതത്വങ്ങള്‍ ,
സ്വാതന്ത്ര്യങ്ങള്‍ക്കൊപ്പം
ഒളിച്ചിരിപ്പുണ്ട്..
കടലാവുക അത്രയും എളുപ്പമല്ല
തീരത്തിന്‍റെ വെളുത്ത വിരല്‍തുമ്പു തൊട്ട്
തിരയോരോന്നും മായുമ്പോള്‍
ആരറിയുന്നു,
പിന്മടങ്ങും ഒരൊറ്റതേങ്ങല്‍ ,
കടലോളം പറയുന്ന മൌനം ..
കടലാവുക അത്രയും എളുപ്പമല്ല
ഒരു മണല്‍ത്തരി കൂടി
സ്വന്തമാക്കാതെ ,
സ്വന്തമാക്കലുകളുടെ ചപലതയില്ലാതെ
നിരാസങ്ങളുടെ നോവോര്‍ക്കാതെ..
(2007)
Thursday, May 13, 2010
Subscribe to:
Posts (Atom)
